مذكراتي في روسيا ج3 (كهف الشيطان)

عنوان هذه الحلقة (كهف الشيطان)

كنت في موسكو ببعض العمل، وقد اتممته مبكرا وقررت العودة إلى المدينة التي أسكن بها (سانت بطرس بورغ)،

فتوجهت على الفور إلى أقرب محطة قطارات.

دخلت محطة القطارات وأنا شبه متجمد لقسوة الجو بالخارج، وكثرة الثلج الذي يتساقط،وقفت في الدور لشراء تذكرة لسانت بطرس بورغ التي تبعد 900 كيلو متر عن موسكو، وفوجئت بأنه ليس هناك تذاكر لمقصورة فردية ولا يوجد سوى كرسي خشبي في مقصورة عامه.

لكن فكرة العودة إلى الشارع كانت شبه مستحيلة وقررت أن الجلوس على كرسي خشبي في مقصورة مليئة بالعجائز الروسية لمدة ثمان ساعات أهون من الجليد في الشارع.

دخلت المقصورة وجلست وأنا كلي غضب وحزن، نظرت إلى اليمين واليسار واذا مجتمع كبير من العجائز الروسية منتهيات الصلاحية.

وطبعا لشكلي الاجنبي الواضح اخذت جميع العجائز النظر ألي والحش فيني

قامت احدى العجائز الملقوفات وسألنتي انت نيجر (افريقي) ؟

عيوني صارت حلزونية من الاستغراب طبعا حقدت عليها الى حد الثماله، قلت أي افريقي.

(قلت فرصتي أستغل طيبة وسذاجة شياب الشعب الروسي واقزر عليهم الوقت).

التفتت الى عجوز وقالت مو قلت لج؟

طلع نيجر قلت لج نيجر(قلت انشريها بعد بالجريدة الرسميه ، افضحيني اكثر)وكان السرور بادئ على وجهها الذي يشبه البنطال الفرنسي من كثر الكسرات والتجاعيد اللي فيه.

طبعا انا امتلئت حقد لاني اشبه وائل كفوري.

التفت علي وقالت شجابك الى روسيااااا؟اهني طلع لي الشيطان وقال لي يالله بو جروح لعبتك والوقت قدامك طويل انتقم منهم.

قلت لها قصه طويلة مستعدة تسمعينها؟قالت أوي أوي،

قلت لها القصة تبدي من يوم ابوي ما شاف امي نتاليا (اسم روسي) كان لاعب في المنتخب النيجيري وكان في اولمبياد وبطولة في الاتحاد السوفيتي،

شارك ابوي في الاولمبياد وكانت أمي باللجنة المنظة للعبه ، شافها ابوي وحبها من اول نظره نظرا لجمالها الفارط كانت اجمل من اي نيجيريه (يعني يبيلها كلام انا وراسي؟)،

يوم ابوي قدر انه يطلع الاول في الجري نظرا لطول سيقانه حبته امي فطالما امي حلمت بفارس احلام عبد سريع.

كانا يتواعدا سرا خارج المضمار، ويجلسون ممسكين بيدين بعض في المدراجات وهي خاليه، احبوا بعض حبا جما،قررت امي السفر معه والزواج منه،

ولكن كان القانون الروسي يمنع سفر الروسيات بالخارج

اضطر ابي الى البقاء مع امي وتطنيش الوفد النيجري الذي رحل من غيره واستطاع بعد عناء، الزواج منها واصدار الموافقه على رحيلهم مع بعض الى نيجريا

نيجريا الذي حن لها ابي ايما حنين والتي احبتها امي لكثرة قصص ابي لها عنها.

كيف كان يتصارع مع التماسيح ليكسب الرهان مع تونغا بنغا ولد الجيران

وكيف كان يسابق النمر ليسبقه ويكسب الرهان مع بنغا تونغا ولد الجيران الاخر

وكيف كان يطارد ذباب الحقل بفرح (ماعندنا فراش)وكيف كانو يتلصصون هو وتونغا بنغا وبنغا تونغا على بنات المخيم (ماكو حي) وهن يستحمن ويلعبن بالنهر (شيشوفون غير سواد يتسبح؟)

وكيف كان ابي متمرد على طقوس الصلاة عندنا فهو يزرق(يختبأ) عندما تطوف القبيلة حول النيران وترقص وتردد اهازيج وترانيم العبادة.

احبت امي تلك الحياة واشتاقت لها كما اشتاق لها ابي-طبعا

ما حسيت الا وفي هدوء غريب بالمقطورة وكل العجائز ساكته تطالعني وتسمع

أكمل سافروا ابي وأمي الى نجيريا وما ان وصلوا الى القبيلة واستأجروا عشة حتى طاردهم سوء الطالع

انصدموا بجتماع القبيلة وتقييد ابي واخذه الى عشة المحكمة العليا قال له كبير القبيلة لقد قمت بخطأ كبير وخالفت نظم ولوائح القبيلة ...

لقد تزوجت امرأة بيضاء حقيرة وشعرها اصفر ايضا، الويل لك اي جريمه تلك اي جريمه تلك!!؟؟

هذول العنجكك (بناتنا السود) منو ياخذهم اذا كل شاب بالقبيلة استغل وسامته وتزوجت اجنبيه؟

يجب عليك ان تطلقها فورا. وتتركها ترحل الى اهلها.

ابي اقفلت معاه وجته طنقرت العبيد (ما ادري شلون ترجمتها) وقال والله ما اطلقها لو تتركوني مربوط على شجرة لين اموت وتنهش بلحمي البريعصيه قال كبير القبيلة : هذا قرارك النهاااااااااائي ، يعني ماراح تطلقها؟--

طالعت والا كل عجائز المقطورة بحضني ومنصدمين سكت شوي وقلت عطشان

ركضت وحده فيهم وجابت لي ماي

قلت لا ابي بيبسي ركضت وحده فيهم جابت بيبسي

فتحته قالت ها وبعدين؟قلت لحظه ما اشرب يعني لحظه

المهم خلصت الببسي وانا ماخذ راحتي واتطعم واقول لذيذ البيبسي الروسي احلا من النيجيري عندنا البيبسي ابيض.

عاد كملت..بعدها قرر المجلس الاعلى بقيادة كبير القبيلة اتخاذ القرار الاتي ان يذهب ابي الى كهف الشيطان الواقع شرق النهر وينزل الى الشيطان لانه هو الكبير والمطاع في هذه الناحية وهو الذي يسن ويشرع القوانين ويكلمه .

عاد اذا الشيطان وافق واستثناه من القانون بيسمحون له يحتفظ بالحقيرة البيضاء.واذا رفض الشيطان , هو راح يعاقبه.

سألتني وحده ملقوفة شنو هالكهف هذا وليش ساكنه الشيطان ؟قلت هذا كان منجم قديم بعد ما خلص الفحم اللي فيه اسكنته الارواح الشريره واتخذ كبير الارواح الشريرة اللي هو الشيطان هذا المنجم مقر له.

والقبيلة عندنا تصلي الى الارواح الشريره عشان تتقي شرهم، وكبير الارواح الشريرة يصدر قوانين يلزم القبيلة بالتقيد فيها مثل ما يسمح بالزواج من الاجنبيات ممنوع تسرع بالركض فوق 90 كيلو متر بالساعه بين الشجر،

ممنوع تلعب بروث الحيوانات لانه يعاد تصنيعه ممنوع التبرز في النهر والكثير من القوانين الحياتيه.

قالوا ايييييييييييييه وبعدين؟

قلت جوعان

راحت وحده تركض وجابت تفاحه كلتها قلت ما تكفي.

جابولي تسته فيها جبن كلتها وقلت شنو هذا انا فار؟ماعندكم تمساح بالبقسماط؟ ضفادع مشويه على الفحم؟ مخ فرس نهري مقرمش؟

قالوا وععععععع تاكلون هذي الاشياء؟قلت لا هذي الخفايف عندنا يعني سناك ميل بين الوجبات

الوجبات الرئيسية مثل باجه فيل ، لسانات ونخاعات زرافة ، مجبوس قرد بالطريقة النيجيرية

حاشتهم لوعة جبد وقالوا رجاءا كمل.

ابوك راح للشيطان؟قلت أيه في الصباح الباكر راح للمنجم ونزل فيه وكان يحمل سكين نحاسي بيده قال يا يوافق كبير الارواح الشريره يا اشرحه بهالسكين!!-

سكت وقلت ابي ماااااااااااااي

قالوا كمل لا نفلعك قلت زين.

قالوا وبعدها ؟

قلت ابد نزل الوالد وماطلع ليومنا هذا، الظاهر الشيطان كفخه وحكم عليه بالسجن مدى الحياة.-

حسيت نظرة اسى بعيونهم وضيقة خلق.

قلت قرر مجلس كبار وجهاء القرية انهم يتركون امي لين تلد لانها كانت حامل وبعدها يقررون شيسون معاهاااكلهم قالوا : اووووووووووووووووه مسكينه مسكينه (وقاموا يرطنون بينهم) قلت تسكتون والا ما اكمل قالوا لا كمل كمل

قلت اولدتني امي قالوا خلوها لين يكبر الولد شوي وعقابها نشوف شنسوي فيها بعدين؟

نطت العيوز الملقوفه اول وحده اللي سألتني منو انا وقالت شنو ممكن يسون فيها قلت انثبري واسمعي لا تطمرين حلقات (حسيت ان مخي وقف تأليف)

قلت ابي اروح الحمام، ما حسيت والا كلهم يمشون وراي ، قلت رايح حمام حمام حمام ، راح اكون مشغول ما اقدر اقص القصة، رجعوا يركضون امااكنهم.

قلت خلكم ارجع واكمل.

رجعت وقعدت تجمعوا حولي من جديد قالوا كمل

قلت وين وصلنا قالوا يوم جابتك امك قلت فرح ابوي وايد (نسيت) قالوا مو ابوك عند الشيطان

قلت ها؟ اي بس اكيد فرح اكيد الارواح الشريره كانت تقوله كل شي!عاد يوم كبرت وصار عمري عشرة سنوات قرر مجلس الوجهاء للقبيلة انهم يرحلونها الى روسيا

قالت انا موافقة بس قبل لا ترحلوني وتبعدوني عن ابني حبيبي اللي بقا لي من صنان المرحوم، ابيكم تسمحون لي اروح لكهف الشيطان واكلمه يمكن يكون هو ارحم منكم.

قالوا احتمال ما يرجعج يخليج عنده محبوسه قالت انا بالحالتين ماراح افقد شي فقدت زوجي قبل والحين ولدي خلوني

امي ودخلت كهف الشيطان ونزلت تحت وقعدت تصرخ بالظلام يا كبيييييييييييييييييييييييييير الارواح يا كبيييييييييييييييييييير الارواح

اعلم انك تسمعي ارجوووووووووووووووك ان تترك لي ابني

يكفي خذت زوجي يكفي خذت الرجل الوحيد الذي احببته من قلب

ارجوك لا تحطم فؤادي مرتين وتفجعني بفراق ابني ارجوووووووووك

وجثت على ركبتيها تبكي-

ما حسيت والا العجائز كلهم ماسكين مناديل وينفرون وخانقتهم العبرةواللي تقول عيني دخل فيها غبار واللي مغطيه وهها وتبجي.

وقالوا بعدين؟قلت هبت ريح قوية أحملت امي ورمتها خارج الكهف

الظاهر الشيطان كان نايم وازعجته وسافرت امي روسيا وبقيت انا لين كبرت وقررت ايجاد امي وبحثت عنها في كل موسكو لم اجدها وانا رايح الان ابحث في سانت بطرس بورغ ويجب ان اجدها مهما كلفني الامرعاد اهني ما استحملوا انفجروا بكاء

قالوا عندك فلوس عندك اكل؟ قلت لا بس الحياة كفاح

راحو واترسوا لي قطعة قماش تفاح وبرتقال وموز وجبن ولفوه وقالو خذ هذااا معاك!قلت شنو سبستيان انا؟ يالله ماعليه الشعرة من جلد الخنزير غنيمه

وخذته ونزلوا يمشون معاي في محطة القطار وطلعنا المواقف وهم يمشون معاي يودعوني عاد طلعت سويج(مفتاح) من جيبي وفتحت سيارتي بالرموت، وركبت

انصدموا قال من وين لك هذي السيارة قلت هدية من كبير الارواح الشريرة

قال نيجر قال يالله باي يا آنسااااااااااااااات